ရှေးထုံးလည်းမပယ်နဲ့

ရှေးထုံးလည်း မပယ်နဲ့...

ကျွန်တော် အခုရေးမယ့် အကြောင်းလေးကတော့ မန်ဘာ မ Ingyin Tinohn ပေးပို့ထားတာပါ..

ဒီအဖြစ်အပျက်က ကျွန်မအစ်မ လင်မယား တစ်ကယ့်ကို ကြုံတွေ့ခဲ့ရတဲ့ အကြောင်းအရာလေးပါ.. ဒီအဖြစ်အပျက်လေးကြောင့် ရှေးလူကြီးတွေပြောစကားဖြစ်တဲ့ ရှေးထုံးကိုလည်း မပယ်နဲ့ ဆိုတဲ့စကားလေးကို ယုံကြည်လက်ခံသွားရပါတော့တယ်.. ကျွန်မ မမက ကျောင်းဆရာမပါ.. သူ့ယောင်္ကျား ကျွန်မခဲအိုကတော့ ၂ပွင့်နဲ့ ရဲတစ်ယောက်ပါ.. သူတို့မှာ ၂ နှစ်သား ကလေးတစ်ယောက်ရှိပါတယ်.. အင်မတန်စကားတတ်တဲ့ ကျွန်မတူလေးပေါ့ရှင်...
ခဲအိုက ရဲတစ်ယောက်ဆိုတော့ ရဲလိုင်းခန်းမှာနေရပါတယ်.. တစ်ရက် မမတို့ မျက်နှာချင်းဆိုင် အိမ်မှာ နာရေးတစ်ခုဖြစ်ပါတယ်.. သေသွားတာက အဖိုးကြီးပါ.. သူက သူ့သားနဲ့ သမီးတွေကို အရမ်းချစ်ပါတယ်.. သူ့သားကလည်း ရဲတစ်ယောက်ဖြစ်ပါတယ်.. နောက်တစ်ခုက အဖိုးကြီးက ကြက်ဥအရမ်းကြိုက်ပါတယ်.. အဲဒီအဖိုးကြီး သေသွားတဲ့ရက်မှာပဲ ခဲအိုလုပ်တဲ့သူက ညနေစောင်း အပြင်ထွက်ပြီး သူ့သားကို ပက်လက်လှန်ပြီး ချီမိပါတယ်.. အဲဒါကို မမကမြင်တော့ ညနေစောင်း ကလေးတွေကို ပက်လက်လှန်မချီရဘူး ဆိုပြီးတားပါတယ်.. ဒါပေမယ့် ခဲအိုလုပ်တဲ့သူက အဲဒါတွေ အယုံအကြည်မရှိပါဘူး..
( နောက်မှ သိရတာက ကလေးကို ပက်လက်ချီလိုက် မြှောက်လိုက် ကစားရင်း ကလေးကိုယ်က လေးလာတယ် လို့ သိရပါတယ်.. )..
ဒီလိုနဲ့ ညဦးပိုင်းရောက်တော့ ခဲအိုက အရေးပေါ်ကိစ္စတစ်ခုရှိတာနဲ့ ထွက်သွားရပါတယ်.. အိမ်မှာ မမရယ်. ကလေးရယ်ပဲ ကျန်ခဲ့တာပေါ့.. ညနက်ပိုင်းရောက်တော့ အရှေ့အသုဘအိမ်က အသံတွေကြောင့် အိပ်မရဖြစ်နေတဲ့အချိန်မှာပဲ..
ကလေးလေးက " မေမေ သား.. ကြက်ဥပြုတ်စားချင်တယ်... " လို့ ပြောပါတယ်..
မမကလည်း ကလေးစားချင်လွန်းလို့ ပြောတာပဲ ဆိုပြီး အိမ်မှာလည်းအဆင်သင့်ရှိတာနဲ့ ထပြုတ်ပေးပါတယ်.. တလက်စတည်း မနက်ဖြန် အတွက်ပါ ကြက်ဥ ၆လုံးပြုတ်ပါတယ်.. ပြုတ်ပြီးတော့ သူ့သားကို ကြက်ဥပြုတ် ၁ လုံးကျွေးပါတယ်.. ဒါပေမယ့် မ၀သေးဘူး မ၀သေးဘူးဆိုပြီး ထပ်ထပ်တောင်းလာလိုက်တာ.. နောက်ဆုံး ကြက်ဥ ၅ လုံးမြောက်မှာ မသင်္ကာတော့ပါဘူး.. ဒါနဲ့ ဘုရားသောက်တော်ရေကိုယူပြီး သူလည်းသောက်မယ်.ကလေးကိုလည်း တိုက်မယ်လို့ စဉ်းစားမိပါတော့တယ်.. အဲလို စဉ်းစားမိပြီး ဘုရားသောက်တော်ရေ ယူဖို့အသွားမှာ.. ကလေးက အသံတွေ ဘာတွေပြောင်းပြီး..
" မသောက်နဲ့.. နင်လည်း မသောက်နဲ့.. ငါလည်းမသောက်ဘူး.." လို့ပြောပါတော့တယ်..
မမကလည်း ကလေးကိုပက်လက်လှန်ပြန်ချီပြီး သောက်တော်ရေ အတင်းတိုက်မလို့လုပ်နေတဲ့အချိန်မှာ အိမ်ရှေ့အိမ်က အဖိုးကြီးသမီးက အိပ်မရလို့ ဆိုပြီးရောက်လာပါတယ်.. အဲဒီအချိန်မှာ ကလေးက အတင်းဆင်း.. အိမ်ရှေ့အိမ်က ကောင်မလေးကိုကြည့်ပြီး ...
" သားနဲ့ သမီးကို ဖေဖေစိတ်မချဘူး.. ဖေဖေ အနားမှာစောင့်ရှောက်နေပါ့မယ်.. " ဆိုပြီး အဖိုးကြီးအသံနဲ့ ဖက်ဖက်ငိုနေတယ်..
ကောင်မလေးကလည်း အံ့သြနေတာပေါ့.. အဲဒီအချိန်မှာ မမက ကလေးတစ်ခုခုဖြစ်မှာစိုးလို့ ပရိတ်ရေကို အတင်းပါးစပ်ထဲလောင်းထည့်လိုက်မှပဲ.. ဟင်းးးး ဆိုပြီးတော့ လဲကျသွားတယ်..နောက်မှ သိရတာက ကလေးပြန်နိုးလာတော့ ကလေးက သူ့မေမေကို ဖက်ငိုပြီး ညနေက သူ့အဖေနဲ့ကစားနေတုန်း အိမ်ရှေ့အိမ်က ဖိုးဖိုးကြီးက သူ့ကို မျက်လုံးကြီးဖြဲပြပြီး ခြောက်တဲ့အကြောင်း.. နောက် သူ့အနားလာပြီးပျောက်သွားတဲ့အကြောင်းပြောပြတယ်.. အိမ်ရှေ့အိမ်ကလူတွေလည်း အဖြစ်အပျက်တွေမေးပြီး အားလုံးစိတ်မကောင်းဖြစ်ပြီး ငိုယိုကုန်ကြတယ်..
နောက်နေ့ ကလေးဆက်ပြီးတစ်ခုခုဖြစ်မှာစိုးလို့ မိဘတွေရှိတဲ့ မန္တလေးကို ပြန်လာခဲ့လိုက်ပါတော့တယ်..
ခဲအိုလည်း အဲဒီအချိန်ကစပြီး ရှေးလူကြီးတွေပြောတဲ့စကားကိုလစ်လှူရှုခဲ့မိတဲ့ သူ့အဖြစ်ကိုနောင်တရသွားပါတော့တယ်.. ဒါကြောင့် ကိုယ်မမြင်ရတဲ့အရာတွေနဲ့ပတ်သတ်ပြီး ကြုံဖူးပြီး နားလည်တဲ့ရှေးလူကြီးတွေစကားကို မပစ်ပယ်သင့်ကြောင့် ပြောကြားရင်း ဇာတ်လမ်းလေးကို အဆုံးသတ်လိုက်ရပါတယ်..

ဇာတ်လမ်းတိုပေမယ့် မှတ်သားစရာတစ်ခုတိုးတဲ့အတွက် ဇာတ်လမ်းပြောပြပေးသွားသော မ Ingyin Tinohn ကို အထူးကျေးဇူးတင်ပါတယ်..

ဝင်ရောက်ဖတ်ရှုအားပေးတဲ့သူအားလုံးကို ကျေးဇူးတင်ပါတယ်.